Nrkaa will never ... Steadfast Kajebal ... Liberals always and forever . . . I'm free


أخر خبر

أختر ما تحب أن تسمع

فلسطين " ما اعرابها "

بسم الله الرحمن الرحيم
قال المدرس اعرب يا ولدى
(عشق المسلم ارض فلسطين)
قال الطالب بل قل
(نسى المسلم ارض فلسطين)
الاول:فعل مبنى على جدار الذلة والتهميش,
والفاعل مستتر فى دولة صهيون, والمسلم مفعول,كلا, مكبول فى محكمة التفتيش
,وارض فلسطين ظرف مكان مجرور ,
عفوا "مذبوح منذ سنين"
تري لو أعرب مبارك تلك الجملة ماذا سيكون الأعراب !!!!؟؟؟

هي فوضي !!

بسم الله الرحمن الرحيم
المحاكمة العسكرية التى يتعرض لها قيادات الإخوان المسلمين ..
عار علينا جميعاً عار على النظام الحاكم ..
عار على الصامتين ..
عار على كل من يستطيع أن ينكرها ويرفضها ولم يفعل ..
محاكمة العالم الجيولجى العالمى الدكتور " خالد عودة "
عار على حكام مصر وعلى علماء مصر ...
شارك فى رفض هذه المحاكمات . نرجوا نشر هذه الرساله ..والحديث فى هذا الأمر الهام
ويبقي السؤال للنظام المصري الحاكم
حتي متي يستمر مسلسل الأعتقال ؟؟؟؟
حتي متي تستمر المهزلة و الفوضي ؟؟؟؟
صحيح
هي فوضي !!

أشهار المدونة

بسم الله الرحمن الرحيم

اضف مدونتك لاشهر محركات البحث
للسادة المدونيين المحترمين
طبعا عندكم مشكلة كبيرة
وهي أشهار المدونة علشان كدة أنا حسعدكم بالتأكيد
جيبلكم حبة مواقع
كل اللي عليك تضيف مدونتك و حتتنشر أواااااااااام
_____________________________

اضف مدونتك لاشهر محركات البحث


Google
Yahoo! Search

للعلم دول كفاية أوي علشان أشهار المدونة لكن أنا عارف ان فيكم ناس طماعة علشان كدة خدوا الرابط دة

الراااااااااااااااااااااااااااااااااااااااااااااااابط

متنساش تدعيلي

الكورة .. مش أكتر من لعبة

بسم الله الرحمن الرحيم
المنتخب بسلامته كسب كاس افريقيا
, يافرحتىوالريس
- بسلامته برضو-
هايبعتهلم طيارة حربية تاخدهم من غانا
ومعاهم الكاس المفدى
, يافرحتىوكل لاعب منهم هياخد مكافاة مش اقل من مليون جنيه ,
يافرحتىكاس سادس ينضم لقائمة الكؤوس التى حصل عليها المنتخب ,
ليثبت للعالم ان الفراعنه المصريين قادرين على اللعب الجيد ,
ربما هم غير قادرين على
" الجد "
الجيد , لكنهم كما ترون قادرين على اللعب الجيد .
يافرحتى كمان مرة المعلق بعد هدف
الجندى المجند خادم البشريه محمد ابو تريكة
بيقول فى تعزئة لمنتخب الكاميرون اثناء التعليق
" تلك الايام نداولها بين الناس " ,
طب اقوله ايه ونبى ؟ياجدعااااااااااااااااااااااان دى لعبه ,
اشق هدومى ؟ الطم ؟
الطم يقولوا الوليه اتجننت ؟هاتقولى انت معندكش انتماء ولا ايه ؟
انتا شيوعى يلا ؟ انت يهودي ولا مين انطق ؟
مش عارف أقول اية غير الرياضة ليست مشاهدة بل لعب و فن و هندسة !!
و لا الحال أية
اما عن المليارات و الملايين اللي يأخذها اللاعب ؟؟
اة الأسراف دة كلة ؟؟؟
ينفع أسألك سؤال واحد !!
أستفدت أية من الكرة ... خدت أية غير حرقة الدم و الأعصاب ؟؟؟ و النرفزة !!!
نفسي أقولكوا حاجة وحدة بس
احنا لو ريحين نعبر القناة أو نحارب اسرئييل استحالة نكون بحجم التوافد للذهاب للمبارة !!!
ولا الحال اية !!!
يا جماعة خلاص انا قرفت بصراحة من اللعبة دية .. ومن اللي بيلعب ... ومن اللي ناوي يلعب ...
اقولك علي حاجة خلص الكلام
يلا سلام

قصيدة حلوة وجدتها علي أحدي المدونات

بسم الله الرحمن الرحيم
سيعـــود النــور
ما زلت تعاني
وهجَ الضوء
و صريخَ النو
ريزأرُ في قلبك
مثل الليثو
ينقر سجنُك
كالعصفور
يتحدى كل ظلام
القبر
و يبحثُ
عن كرةٍ بَلّلور
قد تَلغي كل مرارَ
الظُلمو تبعثُ مَلَكاً للمقهور
يأخُذه بعيداً نحو الفجرو نحو
الشمس
ليعود شهاباً يحرقصفحات الدستور
ليعود النور
.ما زِلتَ تقاوم هذا السجن
و تلعنُ لكمات السجانما زلتَ تقاوم أن تبكي
او تسمحُ بصراخِ الأحزانجففت دمائك من زمنٍ
و أقمتَ الحَدَ على الصرخات
لا تعبأ ان جَلدوك مِراراًاو منعوكَ من الصلواتستعودُ فتحيا و لو صلبوكفصوتُ
الحقِ بلا أسوارإن ظنوا يموتَ...لو قتلوك.و كيان الحرية من نارسيحطمُ ما حولك من سجنٍ...من أكبال...فتعودُ أميراً للأحرارو تقودُ جيوشا من أبطالِو مِن ثُوارتحملُ راياتُك رمزَ الغَد،و رمزَ الأمسعصفوراً يسبحُ مزهُواًببريق الشمسو بريق النورليعود النور.........................سيعود النورقصيده لشاعره مجهوله سيعود النور

دعاء رمضاني

بسم الله الرحمن الرحيم
يارب نسألك فى رمضان أن تبارك
و ترفع الغمه عن أمتنا
و تهدينا فى العيد فرحٌ مُبارك
اللهم أسعد الأهل و العيال
و اذقنا فى عيدنا بهاءٌ و جمال
لا تتركنا وحدنا فى المستقبل
و أنعم علينا بأفضل حال
نسألك يا مولانا فى العيد أن ترفع عنا البلاء
و ترحمنا من الذل و تهبنا العلاء
اللهم يا رب أعطنا رزقاً ننال به العزو انزع من بين صدورنا الغل و الحز
أعطنا مجدٌ مجيد و عزيمةٌ حديد
وارزقنا اللهم بالفكر الجديد
يا ربنا يا ربنا أسعد قلوبنا بسرور
و اجمعنا فى خير مجلسٍ
و فرح عيالنا بالهناء و الحبور
اللهم كما أريتنا هلال رمضان فأسعد العينان بهلال شوال
يارب نسألك أن تجعل الهم خفيف
و اجعل القلب طاهراً نظيف
يا ربنا يا خبير بالسر و الإعلام
و مطلع على كل الكلام
ارزقنا تلاوه القرآن و شريف الكلام
اللهم أبرم لولاه أمورنا تفاهم و مصيلحه
و عافنا ممن يسرقوننا خلسه
نسألك كمال العقول
و نستعيذ بك من بلاهه العجول
يا رب من خيرك زدنى
و انشر فى أرضك العدلِ
آمين آمين آمين
يا ربنا هذا دعاء المدونين فاستجب لنا فى كل وقتٍ و حين
اللهم .. مش عارف أقول إيه بس !!
أما شعب مصر دا شعب قليل الأصل صحيح .. بقى فى دوله فى أى مكان فى العالم تعرف تدعى دعاء شامل زى دا و كله خيرات .. هيهات
حوش يا رب حوش .. و ابعد عنا بوش
إنشرها تاخد على قفاك من أمن الدوله

الشرعية لحكم هنية

بسم الله الرحمن الرحيم
لدي سؤال بسيط
لو كنت مكان رئيس وزراء فلسطين الشرعي المنتخب
وخرج عليك تيار انقلابي مدعوم صهيونيا وامريكيا بغرض التشويش عليك واثارة الفتنة
لخلعك من الحكم برغم شرعيتك
وعاث في غزة فسادا وقتل الشباب وسرق المحال التجارية
ماذا كنت ستفعل
اترك هذا السؤال لكل من يهاجم حماس
و اترك الحل لأني لم أجدة حتي الأن ولكن أعتقد ان الحل الحالي الوحيد الأن هو ان
الشرعية لحكومة هنية
وتحيا القدس

أه يــا أنــــا

بسم الله الرحمن الرحيم
قالولي : عامل ايه ؟؟
قلتلهم عايش
وشعري هايش
ولابس كاب
ـــــــــــ
قاعد لوحدي
بكلم نفسي
لا ليا قرايب
ولا حبايب
ولا اصحاب
ــــــــــــ
باكل عيش
وطبق فول
الطعم ممل
والمنظر يشل
امتى ياربي
هاكل كباب
ــــــــــــ
وقاعد بدندن
باغني وافنفن
اغاني جامدة
لحسني و دياب
ـــــــــــــ
لميت الدبان
وصحيت الغربان
وجننت النسوان
وهبلت الكلاب
ـــــــــــــ
اه يا قلبي يا قاسي
يا شايل وناسي
وقافل بيبانك
متفتح الباب
ــــــــــــ
عشان الحلو يخش
والعب تحت الدش
ولغلي افش
واعيش الشباب
ـــــــــــ
اه اه اه
يا حلو ياللي الشعر سايح عالقفا
تعالى يا حلو اقولك كلمتين في الدفا
يا حبشتكة يا حبشتكة
القلب من حبه اشتكى
متحن عليا يا حبي
وضيع ايام العذاب
ــــــــــ
دبور الحب قرصني
وجرحني وعملي واوا
ومن يومها اتهبلت
وبغني كوكو واوا
وبمشي في الشارع أهبـٍل
وساعات بقوم أطبل
ولأي بنت أسبل
مع اني طول × عرض
وشبه اللبلاب
ــــــــــــ
ادي الحب وادي سنينه
واللي زيي الله يعينه
في حظه منحوس
وفي مخه ملحوس
وفي جيبه مفيش فلوس
وحالته هباب
ـــــــــ
أه يــا أنــــا
تلك القصيدة من مدونة واحد من الناس شكر خاص جدا لة

هو أنا أتغيرت ؟؟!

بسم الله الرحمن الرحيم
هوا انا اتغيرت ؟؟
بجد انا اتغيرت ؟؟
مقدرش اقول معرفش
لاني فعلا عارف .. انا دلوقتي مش أحمد بتاع زمان
حاجات كتيرة اتغيرت ... حاجات كتيرة اوي اوي
الواحد كل ما يعيش كل ما يتعلم اكتر من الحياة
الواحد بيقابل ناس كتير اوي اوي .. بيعرف شخصيات كتيرة اوي اوي
الحقود ... الحسود ... الهجاص .. المهياص .. المصحلجي ... العبيط .. الاهبل ...المتمرد . المنافق .. الرغاي
في ناس اول مرة تشوفهم .. او تكلمهم .. بتعرفهم على حقيقتهم .. وتختار .. يا تبعد عنهم .. يا تكمل معاهم .
في ناس بتعرفهم كتير اوي اوي ... ومش بتكتشف عيوب شخصياتهم الا بعد ما تتلسع منها
ممكن يكون اقرب الناس ليك بيشتغلك وبيحور عليك ؟؟
ليه لما تتعامل مع واحد بطيبة وبحسن نية .. بيتعامل معاك على انك اهبل وساذج ؟؟
لازم تبقى شكاك يعني وتشك في كل اللي حواليك .. وتعتبر نيتهم مش صافية .. عشان محدش يشتغلك ؟؟
..
انا صحيح اتغيريت
يمكن ...
انا عارف كده بيني وبين نفسي
بس من رأيي .. ان انا اتغيرت للافضل ... للاحسن
ولسه هتغير اكتر .. ولسه حاجات كتيرة اوي اوي اوي هغيرها فيا
..
ممكن اكون اتغيرت للاسوأ من وجهة نظر ناس كتير اوي اوي
بس بيني وبين نفسي .. انا متأقلم مع نفسي كده لأني انا ماشي صح مش معا حد معين
..
ساعات لما الواحد بيتصدم .. الصدمة بتقلب معاها يا اما باكتئاب يا اما بتغيير جذري
انا قررت مكونش فريسة للاكتئاب ... انا اتغيرت .. وهتغير
افكار كتير اوي شلتها من دماغي .. وجت افكار تانية بدالها
..
بس يا ترى هل كده انا صح ؟؟؟
انا حاسس اني عمري ما كنت صح في حياتي ابدا
عمال اتنقل من غلط لغلط
يا ترى فين الحق؟؟
..
بكل اسف .. حاجات كتيرة اوي في زماننا ده مقلوبة .
الصح بقا غلط ..والغلط بقا صح
ولو حد شاف حد بيعمل حاجة صح .. بس مش مألوفة .. يعيب عليه
ويقوله انتا بتعمل كده ليه ؟؟
ولو مشيت غلط زيه يقولك ... الحق الشيخ بس بقي اية !!!
علشان كدة انا اتغيرت لأ و قررت حاجة وحدة بس
عمري محرضي حد غير اللي خلقني
وبس

كوباية شاي

بسم الله الرحمن الرحيم
انهردة و لاول مرة وحصريا
طريقة عمل كباية شاي تعدل الدماغ وتروق المزاج
اولا المكونات
- ملعقة من شاي ليبتون او العروسة .. او باكت شاي لو حضرتك بتشرب شاي فتلة
- ملعقتين سكر او تلاتة ..على حسب مزاج حضرتك
- عود من النعناع الاخضر الطري .. ده على حسب المزاج برضه
طريقة التحضير
- توضع معلقة الشاي في كباية فاضية ونظيفة .. ونفس الشيء بالنسبة لباكت الشاي الفتلة
- ويوضع العدد المطلوب من معالق السكر او النعناع على حسب المزاج
- يتم وضع الماء المغلي على الخليط ويتم التقليب جيدا
يشرب الشاي ساخنا او يترك حتى تقل درجة حرارته قليلا
وبالهناء والشفاء
أستني
سبلي شفطة

قنبلة في يد ولدك

بسم الله الرحمن الرحيم
قنبلة في يد أبنك
نعم ... لا تتعجب العنوان
فقط
ضع هذا الموضوع في الحسبان
أعلم انك في بيتك القائد و الربان
و أنك أمام الله مسؤل عن الأسلام
فلو كانت تلك المقدمة و العنوان
فقدر أهمية الموضوع ولا تنسي ذاك الكلام
-------------------------------------------
يلا ندردش شوية
الحقيقة الموضوع دة بفكر فية من 10 ايام
موضوع " الافلام الأباحية "
متستغربش (( لا حياء في ... " الدردشة " ))
انتشرت مؤخرا في مصر الأفلام الجنسية التي باعت أدمية الأنسان حيث جعل الغرب مصر أو بمعني أصح .. بلاد الشرق سوق للأفلام الجنسية
حتي المواقع الاباحية
الأن ... تختار الفتاة من داخل بلدك وكـأنك تفتح كاتلوج لتخاتار الفتاة التي تناسبك بل و تستطيع محاورتها أيضا
منذ أعوام كان تقتصر الأباحية علي المجلات هذا ان عسر عليها اما الأن .. فبغزو الفضاء و أعلان الانفتاح وتحويل العالم لقرية صغيرة
أصبح الأمر أسهل ما يمكن حيث توافر الكمبيوتر و الأنترنت و حتي الجوال ( الموبيل ) أصبح مروج للخلاعة و المجون حيث الأن
أصبح الحصول علي فيلم ثقافي أسهل بكثيير
من الحصول علي أغنية لـ (( روبي / هيفاء / ..)
ولكن
أين الحل
لقد طرحت المشكلة و انتظر الحلول
وان كانت مصادرة تلك الأفلام ليست وحدها الحلول
ولكن
لو لم يكن الأسلام موجود و يوما فأين الحلول
و ان كانت الحكومة تقول
( الدين حاجة و السياسة حاجة )
فــــــــــأين الحلول ؟؟؟؟!!!!!
و ان كانت تلك الافلام في بيتك و في يد أبنك فأين الحلول
و أخير وجدت الحلول " الحكومية "
خش و ادفا وكل طبق فووووووووووووول

قصتي الشقية


اكمنى واحد منكوا ... لازم اعبر عنكوا ... وعلشان انا بحبكوا ... لازم اخليكوا تقولوا كل اللى فى نفسكوا ... متكتموش اى حاجة فى صدركوا ... بس ادعولنا ان ربنا يبعد عننا اللى شتت شملوكوا ....
الصهاينة - الامريكان - وكل اللى قلبة بالحقد مليان ...
وكل اللى اهان وبهين وبيفكر يهين مسلم
كمان احب اعرفكوا على نفسى و احكلكم قصتى
انا لما لقيت الكل ساكت منكواا
وخيفيين انكوم تتكلمو بدأت بصورة عملتها
ولما كلمت برافو سمعتها كررتها
واتعلمت البرنامج اللى يعمل الف زيها
ولما كبرت وشوفت الزل فى عينيا
فى كل حتة شوفتها فى رام الله وفى القدس عشتها
وفى مصر المحروسة اتعلمتها
الديمقراطية
من غير حدود اكتب قول صمم متخفش صح
هههههههه
ومرت ايام و الفت اغنية و بصراحها كتبتها
ومن كتر مقولتها لحنته
ا وفى الحقيقه خفت اقولها ولكن شجعونى وكتر فى جيبى البومبونى
(( الارواح ))
ولما سمعها ابويا منى وبعدين قولتها
لــ قريبى كمان شجعونى كررتها
ولما حطاط مقال ليا على النت وتعليقات وردود افعال قرأتها
ايوة انا نجحت وعملتها وابن خلتى علمنى جديد
ومن برة زوت درستى وحوشت وتعبت و تعبت ايوة تعبت
والحمد لله ربنا رزقنى
علشان بجيب لقمتى بالحلال ربنا زودهالى وبدعاء ابويا و امى ربنا بركهالى
بركلى فى شغلى وعلشان تبت لربنا واتعرفت ع صاحب خير
سعدنى كتير سعدنى اصلى سعدنى من غير مقابل كان رافع شعارفى دنيتة
صنع الحياة
ان شالله فى هدمتة
وبعد ايام وتعدى اوام واتعلمت اصول اللعبة
شوفت مين اللى بيخطف منى بقى اللقمة
ايوة عرفتة وكتبت عنة وكتبت بصراحة وبحدود ومن غير اباحة
قلمى ياما عشرنى وبكى من ظلم وعار اشتكى ومن حق ضايع بكى وبكى والحقيقة القارء
(( الموظف ))
فيكوا المرتشى بصحبة اصحاب الشر مستنى الترقية
سواء محافظ او ظابطانا عارف انة من الصعب ان ايدة تبعد عنى
ولكن انا اسف
زوتها واكلمت كتير واصبروا احتمال
اقلبها مدونة سيكس علشان يرضوا عنى
او اعملها حفلة تعارف بين رجل وست تعدى ايام ويروحوا ع السرير نسيت ابليها المفرود ينزلوا تفعيص
هههههههههههههههههههههه
و دة اللى عيزينة تفتكروا المفروض انى انسى
ولو نسيت حنسى اية ولا اية حنسى ام تغتصب ادام ولدها حنسى طفل اتيتم ومكملش
5 سنين
ولا المفروض ان انسى الاسلام
وانسى كمان القدس
وجنين صحيح هو يعنى اة معركة حطين ويعنى كتاب ربنا
وهو ميين نبينا قلولى عيزنى انسى ميين
ولا مين
يلا رودة عليا اواااام
انسى ميين انصحونى
عوزنى انسى
الدينانا كتبتلكم ووثقت فيكم وبدعى ان ربنا يحمينى ويحميكوا
ربنا يتولانا برحمتة ويبعد عن كل معادى وجزاكم الله خير
أستاذ شقاوة

مجرد رأي ... في حماس

بسم الله الرحمن الرحيم
منذ فترة لم أكتب لكم شئ
وذالك لأسباب التطوير ولكن أبشركم (( رجعت من تاني .... سلطان التدويين من تاني )) أخوتي في الله .... اثناء تصفحي العام علي المدونات وجدت هناك مدونة بأسم ينافي حقيقتها

واثناء تصفحي بالصدفة وجدت عبارة تقول " خولات حماس بيفتحوا الطريق بقوة السلاح " أريد ان أطرح سؤال
من هذا المدون ليضع كلمة حماس بجوار كلمة بتلك الحماقة من هو ليكون ذالك
ماذا يعرف عن حماس !!؟؟ بل وماذا فعلت له ؟؟؟
و الأغرب أن عنوان المقال " لا لشرمطة حماس " من المدون المحترم صاحب هذا الكلام
وأي تدوين هذا ما يجعلة يستخدم تلك الألفاظ و العبارات و الجمل البزيئة بل و الحمقاء
ليحول بذالك شرف التدويين ليخدع المتصفحيين و المدونيين لكسب عدد زوار
الاغرب من الغرابة



أنة وضع موضوع و مجموعة من الصور التي تصور عذاب و معاناه أهلنا في غزة
بمعني أن
كلامة ينافي نفسة
ولذالك أطالب بحزف ذالك المقال و الاعتزار العاجل و ان لم يتم ذالك فسيتم أعلان مقاطعة تلك المدونة
ولو أردت التأكد من الألفاظ أدخل علي تلك المدونة وتذكر دائما
أنة لا ولن يكون من الذيين يستحقون شرف كونهم مدونيين وبالله عليكم ككل تذكروا أن
تلك ليست حماس


بل
تلك هي حماس

يوم في معرض الكتاب

بسم الله الرحمن الرحيم

مين مرحش معرض الكتاب ؟
مين حيروح معرض الكتاب ؟
مين حيروح علشان يبصبص للبنات ؟؟
يا تري الكلام دة لصالح ميين !؟
مين انضم في المظاهرة ؟؟
مين اثبت ان احنا فعلا في دولة ديمقراطية ؟؟
مين اللي حخليك تنضم لسجن ابو غريب !!؟؟
ميين ؟؟؟
علامة تعجب و استفهام
حتعرفها دلوقتي
حالا في
يوم في معرض الكتاب

ذهبت منذ ايام في معرض الكتاب انا و اثنين من اصدقائي
مررت بأحداث لم اتوقع للحظة اني سأمر بها
اولا
بعد صلاة الجمعة مباشرة رحنا علشان نشتري حبة كتب و اسطوانات
جة معاد الغذاء
واحنا كنا عيشيين في دور الشباب الروش يعني مش حنغلب في مجيب الاكل لكن لحسن الحظ اعدنا ساعة ونص فقط علشان نجييب شقق فول و طعمية الوجبة الشعبية المعتبرة علي الرغم من ارتفاع المبلغ الا اننا كنا مغرميين لتصل سعر الشقة الواحدة فقط الي 150 قرش
طبعا حسينا بلأكتئاب الشديد علشان الغلو دة .... اثناء مكنا بنجيب الغذاء ووقفين في عز الزحام كان هناك الالف من الفتن من حولنا
بمعني " مزز " بل مئات وطبعا احنا شباب هلكانا
طبعا فهميين
و اعدنا نتفرج علي دية ودية ونعد نعاكس طبقا للأعلام الهادف لقناة مولدي
وفي الحقيقة احنا المفروض كويسيين كلنا
يعني في منا حافظ نصف القرأن
وفية منا اللي حافظ صورة البقرة و ال عمران و 3 اجزاء من ورة
وفية اللي حافظ جزء عمة
المهم بصراحة احنا مش عرفيين نلوم ميين ؟؟
نلوم نفسنا علشان استسلما بسرعة !
ولا نلوم البنات البيظة الملونة !
ولا نلوم قناة ميلودي علشان بتعرفنا ازاي نعاكس !
ولا نلوم المعرض علشان هو اللي سمح بدخول دة المعرض !
ودة كان اول جزء
بعديين ركبنا الاتوبيس المجاني اللي التكتك اسرع منة المهم ماشي بينا
استني
اة دة
احنا كنا عند سرايا السعودية
اة دة
اة الامن دة كلة
فيية اة
اة دة دية مظاهرة !! في ارض المعارض !
بصراحة انا كنت راكب الاتوبيس اول لما شوفت المظاهرة نطيط من علي الاتوبيس و نسيت اصحابي و نسيت المعرض نسيت كل حاجة
وقلت انا مدون مبعملش حاجة غلط لازم انضم
دية غزة مننا و علينا
ولازم اعمل موقف لقيت الامن المركزي منهني من الدخول
لية !!؟؟
عفية
والله العظيم الظابط قلي
هو كدة محدش حيخش و اللي عندك اعملة " اضرب راسك في الحيط "
اعدت الف و ادور علشان اخش انضم معرفتش
الحمد لله استغليت الموقف
سألت العساكر " انتم عرفيين انتم منعيين مين من الدخول انتم بتمنعوا اهلكم من الاستمرار انتم بتضربوا في اهلكوا .... وكلام من دة " المهم
اكتشفت ان كتير اوي من العساكر معترضيين علي وقفهم بالشكل دة
قلت في سري " بقي هي دية حرية التعبير .. دية الديمقراطية "
رحت الي امين الشرطة
مكدبش عليكم انا كنت خايف
من حسن الحظ اني كان معايا الموبيل فية كميرا خليت واحد من اللي وقفين يصور ورحت للأميين وبكل خوووووف قلتلة
شقاوة : حضرتك انا عاوز انضم
الضابط : تنضم لمين يا عم روح بتكم
شقاوة : حضرتك مش الوقفة دية احتجاجية علي غزة انا مدون ومن حقي انضم
الضابط : احنا كلنا عوزيين ننضم احنا كمان بس مينفعش فاهم
ومن هنا اشعلت النار
شقاوة : انا صحافة و اصحابي جوة ومعني وجود مظاهرة في بلد ديمقراطي
يعني الكل انة ينضم حضرتك
الضابط : امشي يا حيوان .. لحسن اخليك تنضم لسجن ابو غريب
والله
اشهد انا ذالك ما حدث بالتفصيل
استغربت !!
هو الديمقراطية دية شعارات !!
و خلاص خلصت الحكاية دية وطبعن عرفيين ازاي فضوا المظاهرة
جية ميين اصحابي اللي كنت راكب معاهم الاتوبيس
لاموني : ازاي يا احمد تسبني و تروح تنضم في المظاهرة
دة ينفع .... انت كدة بتضيع الوقت
اضطريت اني اعتزر رغم اني علي حق
وبعديين مشينا في ارض الله
رحنا فيين
سور الاسبكية
علشان نشتري حبة كتب منتهية الصلاحية
وفية ناس راحت علشان تطوف
متستغربوش
الطوفان في المعرض معني معاكسة البنات و التطاول عليهن
والله لما احنا مشيين كنا مكسوفيين من نفسنا
لكن
الاغرائات و الحجات دية برضوا احنا شباب
وبالمناسبة اطالب المدونيين و علمائنا
بعمل موضوع
عن كيفية السيطرة علي النفس امام ملزات الشهوة دون الخروج من الشعور الاسلامي
__
المهم في النهاية شلنا علي قلبي حبة كتب وفية ناس كانت مش شيلة خالص وراحة المعرض ب 30 ج وفية ناس كانت عوزة مشاكل
---
المهم اول لما روحنا كلت 2 طاجن باللحمة المفرومة
دبينها علي اصلها
------------------
سألني و احنا بناكل انا لية انضميت في المظاهرة
استفيت اة
بصراحة
انا استغربت انة يسأل السؤال دة
لكن كان ردي " دة فرض عليا دة...."
قبل ما اكمل لقيتة بيقولي انت ولا زودت ولا نقصت استفدت اة ؟!!
ردي كان " ممكن اكون مزودش او نقسط لكن دة فرض ابل ما يكون واجب عليا واكيد عرفتم ان قلت اة تاني
----------
بصراحة احب اقول لواحد كان معايا اسمة أحمد
يا احمد انا علشان صحبك لازم انصحك
انا مش حستشيخ فيها انا قليل الادب بس بالله عليك تذكر
" كما تديين تدان "
كلنا بنغلط انا نفسي غلط و حغلط و بغلط لكن المهم جدااااااا
الاعتراف بالحق فضيلة و أظن انت عارف انا قصدي اة
و يريت نساعد بعض علشان نبقي احسن
تسدق
و انتم بتتفرجوا في الاسبكية و سفير
انا والله عمري ما توقعت ابدا ان يوصل بيك الحال الي كدة وخاصة اني عرفك من زمان و عارف معدنك كويس جدا
عمري ما اتصور نفسي انا كنت بفكر اكلم بنت او اعاكسها
انا عارف انك حترمي الكلام دة في الزبالة
ولكن تذكر ان الصاحب ساحب وان الله يراك و مطلع عليك
فلا تأخز هذا الكلام كأني شيخ او امام لكم ولكن خذة من صديق وفي
وبلاش حكاية الطوفان ديه
---------

تنبية للمدونيين بصيغة عامة

بسم الله الرحمن الرحيم
أصدقائنا المدونيين
________
تنبية هام جداااااااا
----------------------
أكتشف " أستاذ شقاوة " لاحقا ان مجموعة من المدونون الجدد المتطفلين التابعين ل
(( شرطة الافكار . أمن الدولة ))
تبع مخطط السيد اللواء / محمد عبدة الشامي
ليكون ذالك احدي انواع الهجوم العام علي المدونات المعارضة وخاصة بوضعة
في قائمة البريد الالكتروني ( الايميل )
والاغرب ان تلك المدونات تعارض معنا بل وتتفنن في المقالات
كما أكدت لنا مصادرنا انهم يقومون بالهجوم ع احدي المدونات ويأخزوها بوضع اليد
ليملكوا الجمل بما حمل ولكي تكون متأكد انهم معك
وبعون الله سيتم كشف تلك المدونات المتطفلة
كما نرجوا
من اي مدون تعرض لسرقة مدونتة ابلاغ استاذ شقاوة
لعمل التحريات الازمة بخصوص مالكها الان
فأحترسواااا با الله عليكم ولا تضيفوا احد ع الميل الا بالتأكد منه
وبالله عليك لو كنت مدون ضع ذالك التحزير في مدونتك لحماية المدونات الصديقة
و الله الموفق في كل حال

ههههــ ديمقراطية مصرية ــههههههه

بسم الله الرحمن الرحيم
ههههــ عاشت مصر ديمقراطية ـهههههه
يا تري احنا عيشين في حرية
يا تري احنا في ديمقراطية
زي ما بيقولوا
ولا بيدحكوا عليك و عليا
وانا بكرة كدة
ازاي ؟
-----
اة الدليل علي ان احنا في ديمقراطية ؟
بس يا سيدي

علشان نقدر نقول ان مصر ديمقراطية لازم يكون فية شروط
منها :-
1
" المعارضة "

واحد يجي ويقولي طيب انت مدون معارض يعني احنا ديمقراطيين
اقولة علي مين ؟؟
شوف قانون الارهاب بيحكم ميين ؟؟ بيضرب ميين ؟؟
حتي الاحزاب السياسية
كلها شياب معجزيين .. واللي يعارض ع السجون
و الا مين حيخش السجن غير المعارضيين
وبعديين نقول احنا ديمقراطيين
2
" الانتخابات "
مين ينكر ان عندنا انتخابات ؟؟ لكن من حقهم يوزروا لو العين في العين
و حتي الوزارة بالتعيين
عارف يعني اة بالتعيين
يعني ( ادفع / قدم الولاء و الطاعة )
وعلطول حنأولك يا سيادة الوزير
ودلوقتي زالوا رقابة القضاء
علشان تبقي الانتخابات ليها لازمة اكتر
3
" حرية الصحافة "
ههههههههههههههه
اة دية بالزات فيين
افاق عربية راحت فيين
حتي المعارضين
زي ( الوفد و الدستور ... ) هلكنين
و لكن لو كان فيهم بصيص معارضة صحفية
طيب
الباقي فيين
4
" تداول السلطة "
مين ينكر ان من ضمن المبادئ الديمقراطية تداول السلطة
طيب فيين ؟
و لما يعملوا انخبات اللي يرشح نفسة ( نور ) راح فيين ؟
اكيد عرفيين
لحد دلوقتي في السجون مرميين !
علشان في النهاية نقدر نقول
ان احنا ديمقراطيين
-------------------

وفي النهاية اعتقد ان علي صاحب العقل الفهم
ومعرفة اين نكون
دولة حرة اسلامية ديمقراطية
ام
دولة ديكتاتورية بقوانين فرنسية
-----

من يتخيل .. قتل اسرائييل في فلسطين دفاع عن النفس !!

" حسني مبارك " وافق علي التطبيع
طيب
اة الجديد
الجديد انة مش عارف هو فية ميين في بلدنا او عارف و مطنش

( امريكان - يهود )
طيب دة من زمان اة الجديد
الجديد انة فرحنيين بالسكوت العربي لأ وفخورين
واحنا كمان فخوريين بحكامنا النائميين
في الاهرام يوم الاحد 12 محرم / 20 يناير
مقال عجييب جداااا
بعنوان

امريكا تعتبر عمليات اسرائييل في غزة دفاع عن النفس
!!!!!
هههههههههه
والله ضحكت
استغربت
بأي اسرائييل بتدافع عن نفسها
و اية
امريكا هيا اللـي بتـتــكــلـــــــــم
المعارض الاول لحقوق الانسان
اسرائييل بتدافــــــــع عن النفس
طيب لية كل شوية بيقولوا مينفعش ان يكون فية سلاح بأيد حماس
طيب حماس دية بتعمل اة
مش بردة بتدافع عن النفس
طيب أشمعنا اسرائييل بتدافع عن النفس واحنا مندفعش
وبعديين ميين اللي المفروض يدافع عن النفس
صاحب الدار
ولا
المحتل ناهك العرض
انا مش عارف بيضحكوا عليك ولا علي حكامنا ولا علي مين ويقلك
اسرائييل بتدافع عن النفس !!!
والاغرب
انة لم يتحرك حاكم واحد بقي في قلبة ذرة غيرة علي وطنة ودينة
ومازال الصمت عنوان لحكامنا العرب
ليكون قدوة للشعوب كلها
" الصمت "
وفي النهاية أحب ان أضحككم بعض الشئ
بقول نكتة طريفة دحكت عليها
---
حاكم مصري بيسألوة
انت ازاي موافق ان عدوك يجي علي ارضك
قلهم
مصر ام الدنيا وعلشان كدة لا زم نرحب بكل العالم
هههههههه
أعلم ان دمها تقيل
ولكن بردة أحسن مندحك علي مقولة اسرائييل بتدافع عن النفس !!

بعد بحث متواصل لم أجد الا 8 فوائد للحجاب

بسم الله الرحمن الرحيم
كنت مع مجموعة من الملتزميين في أحدي الغرف علي الشات في الياهو وكنا نتكلم عن الحجاب فقد أضاف الكل من علمهم حول الفوائد فلم أضف الا الفائدة الثامنة أنظر اليها
لا اقول اني احب الحجاب فأنا شاب كلشباب تغويني ملزات الدنيا ... لذالك كررت كتابة موضوع مختلف عن المدونة بعض الشئ
عن (( الحجاب )) ولأني لا أعلم الا القليل عنة
فقد كتبت عنة بعض الفوائد
التي اراها من وجهه نظري

للحجاب عدة فوائد اهمها :-
أولا: حفظ العرض:
الحجاب حراسة شرعية لحفظ الأعراض، ودفع أسباب الريبة والفتنة والفساد.
ثانيا: طهارة القلوب:
الحجاب داعية إلى طهارة قلوب المؤمنين والمؤمنات، وعمارتها بالتقوى، وتعظيم الحرمات. وصدق الله سبحانه "ذلكم أطهر لقلوبكم وقلوبهن".
ثالثا: مكارم الأخلاق:
الحجاب داعية إلى توفير مكارم الأخلاق من العفة والاحتشام والحياء والغيرة، والحجب لمساويها من التلوث بالشائنات كالتبذل والتهتك والسفالة والفساد.
رابعا: علامة على العفيفات:
الحجاب علامة شرعية على الحرائر العفيفات في عفتهن وشرفهن، وبعدهن عن دنس الريبة والشك: "ذلك أدنى أن يعرفن فلا يؤذين"، وصلاح الظاهر دليل على صلاح الباطن، وإن العفاف تاج المرأة، وما رفرفت العفة على دار إلا أكسبتها الهناء. ومما يستطرف ذكره هنا، أن النميري لما أنشد عند الحجاجقوله: يخمرن أطراف البنان من التقى ** ويخرجن جنح الليل معتجراتقال الحجاج: وهكذا المرأة الحرة المسلمة.
خامسا: قطع الأطماع والخواطر الشيطانية
الحجاب وقاية اجتماعية من الأذى، وأمراض قلوب الرجال والنساء، فيقطع الأطماع الفاجرة، ويكف الأعين الخائنة، ويدفع أذى الرجل في عرضه، وأذى المرأة في عرضها ومحارمها، ووقاية من رمي المحصنات بالفواحش، وإبعاد قالة السوء، ودنس الريبة والشك، وغيرها من الخطرات الشيطانية. ولبعضهم: حور حرائر ما هممن بريبة ****كظباء مكة صيدهن حرام
سادسا: حفظ الحياء:
وهو مأخوذ من الحياة، فلا حياة بدونه، وهو خلق يودعه الله في النفوس التي أراد - سبحانه - تكريمها، فيبعث على الفضائل، ويدفع في وجوه الرذائل، وهو من خصائص الإنسان، وخصال الفطرة، وخلق الإسلام، والحياء شعبة من شعب الإيمان، وهو من محمود خصال العرب التي أقرها الإٍسلام ودعا إليها، قال عنترة العبسي: وأغض طرفي إن بدت لي جارتي **** حتى يواري جارتي مأواها فآل مفعول الحياء إلى التحلي بالفضائل، وإلى سياج رادع، يصد النفس ويزجرها عن تطورها في الرذائل، وما الحجاب إلا وسيلة فعالة لحفظ الحياء، وخلع الحجاب خلع للحياء.
سابعا: الحجاب يمنع نفوذ التبرج
والسفور والاختلاط إلى مجتمعات أهل الإسلام.
ثامنا: الحجاب حصانة
ضد الزنا والإباحية، فلا تكون المرأة إناءً لكل والخ.
واخيرا


الحفظ من السقعة في عز الشتاء والبرد اللي احنا فية دة
واعتقد انها اهم حاجة لحسن يجي لبنتنا الامورة لطشة برد تقلب لقدر الله بنزلة معوية ..

علامة استفهام ؟؟ !!

بسم الله الرحمن الرحيم
علامة استفهام
اضعها .. بكــل مكان
من وراء انتهاك العرض
واباحة حرمة الاســــــلام
وايــــن هـــــم الـــحكــــام ؟!!
ماذلوا يناقشوا اوضاع السلام ؟!!
مع من ؟


الذي انتهك الــــعرض
ودنس القدس الــهمام
مـــــع مــــن الســـلام
ايكون بيننا وبين الكيان
ولو مكانا للنقاش و السلام
----------------------------
و انا لله وانا الية راجعون ... في حاكمنا
----------------------------
اثناء مشاهدتي لقناة الجزيرة

وجدت في شريط الاخبار السفلي
مبارك

" يبحث في مفاوضات السلام "
تعجبــت !!!
أسنبدأ الان في بحث السلام !! و
مع من يبحث عن السلام ؟!!
مع الكيان الذي
بيدة قتل السلام !!
عجبا
سنبدأ المباحثات وتشكيل اللجان و النقاش وعرض الموضوع .....
اتعلمون
ان
ارض فلسطين أخذت بالقوة
فهل تعتقدون انها سترجع بالسلام
عجبا
مازلنا ندرس
وكل يوم شهيد بــــــــل كل لحظة
واين الحــل ؟؟
اسيظل السكوت صديق العرب !!
استظل المهانة حتـــــــي الان !!
حنقول اة لأولدنا
حنتبري من فلسطين
حنقولهم اية !! زي مابيقول حكمنا ؟
- ربنا يحلها من عندة
- احنا ملنا
- ان شاء الله حتتحل قريب

حنقول اة لربنا لما يسألنا عن فرض ضاع مننا
((* الجهاد*))
يا تري حنقولة احنا صلنا وصمنا وزكينا وبس
حنقولة اة لما يسألنا عملتم اة مع اللي انتهك عرض اه\'e4 معناها ضياع وطنك معناها ان بكرة حيجي في بلدك
علامة استفهام اضعها
لن اقول غير اتقوا الله في اربع :-
1 / بدعوة مســـتجابة
2 / بمقاطعة فـــعالــة
3 / بـــتبـــرع دائــــم
4 / بنشر قضية مغتصبة
%%%%%%%%%%%
ولا تكن كالخائنين !

استضافة ساركوزي وعشيقتة ع نفقة الدولة عماااااااار يا مصر

بسؤالٍ عاجلٍ إلى رئيس مجلس الوزراء
استقبال الرئيس الفرنسي ساركوزي وعشيقته على نفقة الدولة،
هل تمت استضافة ساركوزي وعشيقته على حساب الشعب؟

إن الرئيس الفرنسي السيد ساركوزي وعشيقته
جاءا لقضاء إجازة أعياد الميلاد ورأس السنة ببلادنا (في الأقصر وشرم الشيخ- لمدة اربعة أيام)

ثم يقوم بعدها وفي نهايتها بزيارةٍ رسميةٍ ولمدة يوم واحد،
وذكرت الأنباء أن
الفنان الوزير فاروق حسني هو من يقوم بواجب الاستقبال لساركوزي وعشيقته!!
أن الحكومة لا تحترم المال العام ولا أوجه إنفاقه

فأخشى أن تكون الزيارة الخاصة لساركوزي وعشيقته على حساب الحكومة المصرية
أي من المال العام، وهذا مرفوض منَّا وبشدة وحتى
في القوانين الأوربية التي تحترم المال العام بل وتقدسه
بأن ساركوزي اتهم سلفه الرئيس شيراك بنهب المال العام
والغريب ان ساركوزي
عجز عن شراء شقة بباريس بعد انتهاء مدة رئاسته، ومازالت سيارته من الموديلات القديمة
كما أن رئيس البنك الدولي السابق

(بول وولفويتز)
تم إعفاؤه من منصبه لمجاملته صديقته
برفع راتبها بطريقةٍ غير قانونية، مما اعتبر فضيحة عالمية خسر منصبه بعدها!!
إنهم يحترمون ويقدسون المال العام، بينما نحن نتمتع بعدم احترام المال العام

فهل هذا يصح ؟؟؟

والي متي سنقبل ان يمتص الغرب من حق شعبنا ؟؟!! ..... ولكني قد عرضضت القضية ولكم المسؤولية

!!!!!!
والي متي ستستمر الا مباله للنظام الحاكم بل الاسرة المالكة

انا لله وانا الية راجعون ... توفي ضمير أهل شبين الكوم

مصر أرض النفاق الحقيقي

توفى أحد اقاربى قريبا وهو يسكن في محافظة المنوفية (( شبين الكوم )) وفى طريقي إلية وجدت المئات من اليفط والدعاية التي بعضها يقول

يا مدلعنا يا ريسنا
بكل حب نؤيد مبارك
احنا معاك يا ريس
كلنا بنحبك يا شذلى
كلنا معاك يشذلى
احنا وراق ياريس

كما ذاد اعجابى ان اليفط عليها صورة للشذلى وابنة فأسئلكم جميعا
من هؤلاء ليحبهم الجمهور ؟؟؟
ماذا فعلــــــــــــــــــــــوا لهم ؟؟
هل قضوا مصالح للجمهور ؟؟

وان كانو قد سهلوا لهم أمرا ما (( مصلحة يعنى )) فهل هذا خارج واجبهم ؟؟؟
ولماذا يضعوا صــــــورة ابن الشذلى ؟؟؟ " معتز "
ما عــــــــــــــــــــــــــــــــلاقتة بالامر ؟؟؟
ايعتقدون انــــــــــــــــــــها بالتوريث ؟؟؟؟

حسبنا الله ونعم الوكيل فى كل من ساعد هؤلاء
وو ضع يفطة ليحل لة مصلة لأنة بذالك أكد لة آن هكذا يجاملة فيستمر فى تلك المهزلة .

وان كان ذالك حبا لة

فهل تصل الى درج الدعاية فى الشوارع ؟؟؟
اتحدى الجميع

لان هذا اكيد نفاق ولو لم يكن نفاق

فماذا يكوووووووووووووووووون
؟؟؟؟؟؟؟؟

لذالك أطالب نواب مجلس الشعب في بحث تلك الاسباب التي أدتهم لعمل تلك الدعاية وعمل لجنة لحساب الشذلي و التأكد من مصدر أمواله ... كما أود عمل لجنة رقابية لوضعة تحت المجهر بل وحسابة كأي مواطن أخر

المحظورة ... الي أين تأخذنا الحكومة أم الناس

جماعة الإخوان المسلمين.. اللي ماتتسماش
انا فعلا مش عارف ليه و انا باقرأ الجرائد المصرية مؤخرا

.. افتكرت هاري بوتر.. كان كل ماتيجي سيرة لورد فولدرمورت ..
يسكتوا بعض و يقولك ده "اللي مايتسماش"..
He Who Shall Not Be Named
دلوقت

أي خبر عن جماعة الإخوان المسمين
بيشيلوا "جماعة الإخوان المسلمين" و يحطوا مكانها
"المحظورة"
المحظورة سوت.. المحظورة عملت.. نائب المحظورة قال.. مرشد المحظورة سوى
هو اسم جماعة الإخوان المسلمين في مصر دلوقت بقى مرادف لـ المحظورة
يمكن كما اللي ينطق اسمها يبئى خاين للوطن او عميل
او عميل
ههههه هي حكومتنا كدة
طول ما الأخوان محظورة
بلدنا بالفساد معمورة
ولكن أطرح السؤال
ما الغرض من ذالك ؟؟
المقصود منه تخويف الناس
وبث الرعب فى قلوبهم بحيث ان الناس تجد فى كل عمل يفعله الاخوان مريب
حتى ولو كان خير فستسبقه
كلمة الجماعة المحظورة
وانا اعلم الكثير من الناس تؤثر بها تلك الايحاءات كثيراً
ولا اجد منهم محاولة فى التفكير

لمعرفة اجابة السؤال .
يعنى تصور حضرتك لما واحد جاهل
(ولا اقصد جاهل تعليمياً ولكن ثقافياً ايضاً)
يقعد امام التلفزيون ويقولك
الطالب الفلانى متهم بأنه من الجماعة المحظورة
لأنه عمل كذا هو طبعاً دماغه كلها فى الجملة
وكأنهم بيقولوا الشيطان الفلانى عمل كذا
ولن يفكر
ما هو الذى فعله وانه مدبر له التورط

فى ذلك ام غير ذلك هو لا يفكر
سوى فى غير انه من الجماعة المحظورة
حتى انها اصبحت تهمة توجه لشباب مصر وهي الانتماء لجماعة محظورة
حسبنا الله ونعم الوكيل.
تلاعب بعقول الشعوب يافندم.
اللى بيضحكنى اكتر
لما تلاقى بعض اصحاب القرار يقولون
نرفض كلمة المحظورة (زى مصطفى الفقى مثلا).
وازاى محظورة وليها تواجدها العلنى ؟
(دول هم اللى بيقولوا ).
بستغرب لانهم اصحاب قرار نافذ امال مين اللى بيسميها كده؟؟؟؟؟؟؟؟؟؟؟
ولا فيه حد بيحكم البلد غيرهم واحنا مش عارفينه؟؟؟؟؟؟؟؟؟؟؟؟؟؟
ويبدأوا بعض المقدمة دى تلاقى عريضة طويلة من المطالب علشان يرضوا عن المحظورين .
تحس ان المطالب بتقولهم لازم تبقوا الاخوان العلمانيين علشان نرفع الحظر عنكم ؟؟؟؟؟؟؟؟؟؟؟؟
بمعنى واضح الحزب الوطنى عايز 30 حزب وطنى كلهم نفس الفكر ؟؟؟؟؟؟؟؟؟
صحيح هو ايه فكر الحزن الوطنى؟؟؟؟؟؟؟؟؟

ورغم كل ذالك
أحب ان اقول
رغم انى مختلفة معاهم فى الفكر فى حاجات كتير
الا انى ارفض تماما كلمة" المحظورة " دى
على فكرة الكلمة دى فى حد ذاتها تفرقة عنصرية
ضد الاخوان المسلمين مابالكم باللى بيتعمل فيهم
فى السجون و علشان كدة جمعيات حقوق الانسان فى العالم واقفة بجانبهم
عمركم شوفتم فى بلد زى

امريكا او فرنسا او بلد ملكية زى بريطانيا بيطلقوا على حزب من احزابهم
"محظور"او حاجة مشابهة ,,ده فى منهم احزاب متطرفة جدا جدا جدا و ملحدين اصلا
كما اود ان أقول
الي متي ستظل مصر بها تفرق عنصري ؟؟
أعتقد ان
من يقرأ المقال يسأل نفسة سؤال
انا معاهم ولا عليهم
ارد علية و أقول
انا مبيعجبنيش الحال المايل
عليا أو علي غيري وخاصة التفرق العنصري الحكومي للجمعات أو الاحزاب