يوم في معرض الكتاب

بسم الله الرحمن الرحيم

مين مرحش معرض الكتاب ؟
مين حيروح معرض الكتاب ؟
مين حيروح علشان يبصبص للبنات ؟؟
يا تري الكلام دة لصالح ميين !؟
مين انضم في المظاهرة ؟؟
مين اثبت ان احنا فعلا في دولة ديمقراطية ؟؟
مين اللي حخليك تنضم لسجن ابو غريب !!؟؟
ميين ؟؟؟
علامة تعجب و استفهام
حتعرفها دلوقتي
حالا في
يوم في معرض الكتاب

ذهبت منذ ايام في معرض الكتاب انا و اثنين من اصدقائي

مررت بأحداث لم اتوقع للحظة اني سأمر بها
اولا
بعد صلاة الجمعة مباشرة رحنا علشان نشتري حبة كتب و اسطوانات
جة معاد الغذاء
واحنا كنا عيشيين في دور الشباب الروش يعني مش حنغلب في مجيب الاكل لكن لحسن الحظ اعدنا ساعة ونص فقط علشان نجييب شقق فول و طعمية الوجبة الشعبية المعتبرة علي الرغم من ارتفاع المبلغ الا اننا كنا مغرميين لتصل سعر الشقة الواحدة فقط الي 150 قرش
طبعا حسينا بلأكتئاب الشديد علشان الغلو دة .... اثناء مكنا بنجيب الغذاء ووقفين في عز الزحام كان هناك الالف من الفتن من حولنا
بمعني " مزز " بل مئات وطبعا احنا شباب هلكانا
طبعا فهميين
و اعدنا نتفرج علي دية ودية ونعد نعاكس طبقا للأعلام الهادف لقناة مولدي
وفي الحقيقة احنا المفروض كويسيين كلنا
يعني في منا حافظ نصف القرأن
وفية منا اللي حافظ صورة البقرة و ال عمران و 3 اجزاء من ورة
وفية اللي حافظ جزء عمة
المهم بصراحة احنا مش عرفيين نلوم ميين ؟؟
نلوم نفسنا علشان استسلما بسرعة !
ولا نلوم البنات البيظة الملونة !
ولا نلوم قناة ميلودي علشان بتعرفنا ازاي نعاكس !
ولا نلوم المعرض علشان هو اللي سمح بدخول دة المعرض !
ودة كان اول جزء
بعديين ركبنا الاتوبيس المجاني اللي التكتك اسرع منة المهم ماشي بينا
استني
اة دة
احنا كنا عند سرايا السعودية
اة دة
اة الامن دة كلة
فيية اة
اة دة دية مظاهرة !! في ارض المعارض !
بصراحة انا كنت راكب الاتوبيس اول لما شوفت المظاهرة نطيط من علي الاتوبيس و نسيت اصحابي و نسيت المعرض نسيت كل حاجة
وقلت انا مدون مبعملش حاجة غلط لازم انضم
دية غزة مننا و علينا
ولازم اعمل موقف لقيت الامن المركزي منهني من الدخول
لية !!؟؟
عفية
والله العظيم الظابط قلي
هو كدة محدش حيخش و اللي عندك اعملة " اضرب راسك في الحيط "
اعدت الف و ادور علشان اخش انضم معرفتش
الحمد لله استغليت الموقف
سألت العساكر " انتم عرفيين انتم منعيين مين من الدخول انتم بتمنعوا اهلكم من الاستمرار انتم بتضربوا في اهلكوا .... وكلام من دة " المهم
اكتشفت ان كتير اوي من العساكر معترضيين علي وقفهم بالشكل دة
قلت في سري " بقي هي دية حرية التعبير .. دية الديمقراطية "
رحت الي امين الشرطة
مكدبش عليكم انا كنت خايف
من حسن الحظ اني كان معايا الموبيل فية كميرا خليت واحد من اللي وقفين يصور ورحت للأميين وبكل خوووووف قلتلة
شقاوة : حضرتك انا عاوز انضم
الضابط : تنضم لمين يا عم روح بتكم
شقاوة : حضرتك مش الوقفة دية احتجاجية علي غزة انا مدون ومن حقي انضم
الضابط : احنا كلنا عوزيين ننضم احنا كمان بس مينفعش فاهم
ومن هنا اشعلت النار
شقاوة : انا صحافة و اصحابي جوة ومعني وجود مظاهرة في بلد ديمقراطي
يعني الكل انة ينضم حضرتك
الضابط : امشي يا حيوان .. لحسن اخليك تنضم لسجن ابو غريب
والله
اشهد انا ذالك ما حدث بالتفصيل
استغربت !!
هو الديمقراطية دية شعارات !!
و خلاص خلصت الحكاية دية وطبعن عرفيين ازاي فضوا المظاهرة
جية ميين اصحابي اللي كنت راكب معاهم الاتوبيس
لاموني : ازاي يا احمد تسبني و تروح تنضم في المظاهرة
دة ينفع .... انت كدة بتضيع الوقت
اضطريت اني اعتزر رغم اني علي حق
وبعديين مشينا في ارض الله
رحنا فيين
سور الاسبكية
علشان نشتري حبة كتب منتهية الصلاحية
وفية ناس راحت علشان تطوف
متستغربوش
الطوفان في المعرض معني معاكسة البنات و التطاول عليهن
والله لما احنا مشيين كنا مكسوفيين من نفسنا
لكن
الاغرائات و الحجات دية برضوا احنا شباب
وبالمناسبة اطالب المدونيين و علمائنا
بعمل موضوع
عن كيفية السيطرة علي النفس امام ملزات الشهوة دون الخروج من الشعور الاسلامي
__
المهم في النهاية شلنا علي قلبي حبة كتب وفية ناس كانت مش شيلة خالص وراحة المعرض ب 30 ج وفية ناس كانت عوزة مشاكل
---
المهم اول لما روحنا كلت 2 طاجن باللحمة المفرومة
دبينها علي اصلها
------------------
سألني و احنا بناكل انا لية انضميت في المظاهرة
استفيت اة
بصراحة
انا استغربت انة يسأل السؤال دة
لكن كان ردي " دة فرض عليا دة...."
قبل ما اكمل لقيتة بيقولي انت ولا زودت ولا نقصت استفدت اة ؟!!
ردي كان " ممكن اكون مزودش او نقسط لكن دة فرض ابل ما يكون واجب عليا واكيد عرفتم ان قلت اة تاني
----------
بصراحة احب اقول لواحد كان معايا اسمة أحمد
يا احمد انا علشان صحبك لازم انصحك
انا مش حستشيخ فيها انا قليل الادب بس بالله عليك تذكر
" كما تديين تدان "
كلنا بنغلط انا نفسي غلط و حغلط و بغلط لكن المهم جدااااااا
الاعتراف بالحق فضيلة و أظن انت عارف انا قصدي اة
و يريت نساعد بعض علشان نبقي احسن
تسدق
و انتم بتتفرجوا في الاسبكية و سفير
انا والله عمري ما توقعت ابدا ان يوصل بيك الحال الي كدة وخاصة اني عرفك من زمان و عارف معدنك كويس جدا
عمري ما اتصور نفسي انا كنت بفكر اكلم بنت او اعاكسها
انا عارف انك حترمي الكلام دة في الزبالة
ولكن تذكر ان الصاحب ساحب وان الله يراك و مطلع عليك
فلا تأخز هذا الكلام كأني شيخ او امام لكم ولكن خذة من صديق وفي
وبلاش حكاية الطوفان ديه
---------

تنبية للمدونيين بصيغة عامة

بسم الله الرحمن الرحيم

أصدقائنا المدونيين
________
تنبية هام جداااااااا
----------------------
أكتشف " أستاذ شقاوة " لاحقا ان مجموعة من المدونون الجدد المتطفلين التابعين ل
(( شرطة الافكار . أمن الدولة ))

تبع مخطط السيد اللواء / محمد عبدة الشامي
ليكون ذالك احدي انواع الهجوم العام علي المدونات المعارضة وخاصة بوضعة
في قائمة البريد الالكتروني ( الايميل )
والاغرب ان تلك المدونات تعارض معنا بل وتتفنن في المقالات
كما أكدت لنا مصادرنا انهم يقومون بالهجوم ع احدي المدونات ويأخزوها بوضع اليد
ليملكوا الجمل بما حمل ولكي تكون متأكد انهم معك
وبعون الله سيتم كشف تلك المدونات المتطفلة
كما نرجوا
من اي مدون تعرض لسرقة مدونتة ابلاغ استاذ شقاوة
لعمل التحريات الازمة بخصوص مالكها الان
فأحترسواااا با الله عليكم ولا تضيفوا احد ع الميل الا بالتأكد منه
وبالله عليك لو كنت مدون ضع ذالك التحزير في مدونتك لحماية المدونات الصديقة
و الله الموفق في كل حال

ههههــ ديمقراطية مصرية ــههههههه

بسم الله الرحمن الرحيم

ههههــ عاشت مصر ديمقراطية ـهههههه
يا تري احنا عيشين في حرية
يا تري احنا في ديمقراطية
زي ما بيقولوا
ولا بيدحكوا عليك و عليا
وانا بكرة كدة
ازاي ؟
-----
اة الدليل علي ان احنا في ديمقراطية ؟
بس يا سيدي

علشان نقدر نقول ان مصر ديمقراطية لازم يكون فية شروط
منها :-
1
" المعارضة "

واحد يجي ويقولي طيب انت مدون معارض يعني احنا ديمقراطيين
اقولة علي مين ؟؟
شوف قانون الارهاب بيحكم ميين ؟؟ بيضرب ميين ؟؟
حتي الاحزاب السياسية
كلها شياب معجزيين .. واللي يعارض ع السجون
و الا مين حيخش السجن غير المعارضيين
وبعديين نقول احنا ديمقراطيين
2
" الانتخابات "
مين ينكر ان عندنا انتخابات ؟؟ لكن من حقهم يوزروا لو العين في العين
و حتي الوزارة بالتعيين
عارف يعني اة بالتعيين
يعني ( ادفع / قدم الولاء و الطاعة )
وعلطول حنأولك يا سيادة الوزير
ودلوقتي زالوا رقابة القضاء
علشان تبقي الانتخابات ليها لازمة اكتر
3
" حرية الصحافة "
ههههههههههههههه
اة دية بالزات فيين
افاق عربية راحت فيين
حتي المعارضين
زي ( الوفد و الدستور ... ) هلكنين
و لكن لو كان فيهم بصيص معارضة صحفية
طيب
الباقي فيين
4
" تداول السلطة "
مين ينكر ان من ضمن المبادئ الديمقراطية تداول السلطة
طيب فيين ؟
و لما يعملوا انخبات اللي يرشح نفسة ( نور ) راح فيين ؟
اكيد عرفيين
لحد دلوقتي في السجون مرميين !
علشان في النهاية نقدر نقول
ان احنا ديمقراطيين
-------------------

وفي النهاية اعتقد ان علي صاحب العقل الفهم
ومعرفة اين نكون
دولة حرة اسلامية ديمقراطية
ام
دولة ديكتاتورية بقوانين فرنسية
-----

من يتخيل .. قتل اسرائييل في فلسطين دفاع عن النفس !!

" حسني مبارك " وافق علي التطبيع
طيب
اة الجديد
الجديد انة مش عارف هو فية ميين في بلدنا او عارف و مطنش

( امريكان - يهود )
طيب دة من زمان اة الجديد
الجديد انة فرحنيين بالسكوت العربي لأ وفخورين
واحنا كمان فخوريين بحكامنا النائميين
في الاهرام يوم الاحد 12 محرم / 20 يناير
مقال عجييب جداااا
بعنوان

امريكا تعتبر عمليات اسرائييل في غزة دفاع عن النفس
!!!!!
هههههههههه
والله ضحكت
استغربت
بأي اسرائييل بتدافع عن نفسها
و اية
امريكا هيا اللـي بتـتــكــلـــــــــم
المعارض الاول لحقوق الانسان
اسرائييل بتدافــــــــع عن النفس
طيب لية كل شوية بيقولوا مينفعش ان يكون فية سلاح بأيد حماس
طيب حماس دية بتعمل اة
مش بردة بتدافع عن النفس
طيب أشمعنا اسرائييل بتدافع عن النفس واحنا مندفعش
وبعديين ميين اللي المفروض يدافع عن النفس
صاحب الدار
ولا
المحتل ناهك العرض
انا مش عارف بيضحكوا عليك ولا علي حكامنا ولا علي مين ويقلك
اسرائييل بتدافع عن النفس !!!
والاغرب
انة لم يتحرك حاكم واحد بقي في قلبة ذرة غيرة علي وطنة ودينة
ومازال الصمت عنوان لحكامنا العرب
ليكون قدوة للشعوب كلها
" الصمت "
وفي النهاية أحب ان أضحككم بعض الشئ
بقول نكتة طريفة دحكت عليها
---
حاكم مصري بيسألوة
انت ازاي موافق ان عدوك يجي علي ارضك
قلهم
مصر ام الدنيا وعلشان كدة لا زم نرحب بكل العالم
هههههههه
أعلم ان دمها تقيل
ولكن بردة أحسن مندحك علي مقولة اسرائييل بتدافع عن النفس !!

بعد بحث متواصل لم أجد الا 8 فوائد للحجاب

بسم الله الرحمن الرحيم

كنت مع مجموعة من الملتزميين في أحدي الغرف علي الشات في الياهو وكنا نتكلم عن الحجاب فقد أضاف الكل من علمهم حول الفوائد فلم أضف الا الفائدة الثامنة أنظر اليها

لا اقول اني احب الحجاب فأنا شاب كلشباب تغويني ملزات الدنيا ... لذالك كررت كتابة موضوع مختلف عن المدونة بعض الشئ

عن (( الحجاب )) ولأني لا أعلم الا القليل عنة

فقد كتبت عنة بعض الفوائد

التي اراها من وجهه نظري

للحجاب عدة فوائد اهمها :-

أولا: حفظ العرض:

الحجاب حراسة شرعية لحفظ الأعراض، ودفع أسباب الريبة والفتنة والفساد.

ثانيا: طهارة القلوب:

الحجاب داعية إلى طهارة قلوب المؤمنين والمؤمنات، وعمارتها بالتقوى، وتعظيم الحرمات. وصدق الله سبحانه "ذلكم أطهر لقلوبكم وقلوبهن".

ثالثا: مكارم الأخلاق:

الحجاب داعية إلى توفير مكارم الأخلاق من العفة والاحتشام والحياء والغيرة، والحجب لمساويها من التلوث بالشائنات كالتبذل والتهتك والسفالة والفساد.

رابعا: علامة على العفيفات:

الحجاب علامة شرعية على الحرائر العفيفات في عفتهن وشرفهن، وبعدهن عن دنس الريبة والشك: "ذلك أدنى أن يعرفن فلا يؤذين"، وصلاح الظاهر دليل على صلاح الباطن، وإن العفاف تاج المرأة، وما رفرفت العفة على دار إلا أكسبتها الهناء. ومما يستطرف ذكره هنا، أن النميري لما أنشد عند الحجاجقوله: يخمرن أطراف البنان من التقى ** ويخرجن جنح الليل معتجراتقال الحجاج: وهكذا المرأة الحرة المسلمة.

خامسا: قطع الأطماع والخواطر الشيطانية

الحجاب وقاية اجتماعية من الأذى، وأمراض قلوب الرجال والنساء، فيقطع الأطماع الفاجرة، ويكف الأعين الخائنة، ويدفع أذى الرجل في عرضه، وأذى المرأة في عرضها ومحارمها، ووقاية من رمي المحصنات بالفواحش، وإبعاد قالة السوء، ودنس الريبة والشك، وغيرها من الخطرات الشيطانية. ولبعضهم: حور حرائر ما هممن بريبة ****كظباء مكة صيدهن حرام

سادسا: حفظ الحياء:

وهو مأخوذ من الحياة، فلا حياة بدونه، وهو خلق يودعه الله في النفوس التي أراد - سبحانه - تكريمها، فيبعث على الفضائل، ويدفع في وجوه الرذائل، وهو من خصائص الإنسان، وخصال الفطرة، وخلق الإسلام، والحياء شعبة من شعب الإيمان، وهو من محمود خصال العرب التي أقرها الإٍسلام ودعا إليها، قال عنترة العبسي: وأغض طرفي إن بدت لي جارتي **** حتى يواري جارتي مأواها فآل مفعول الحياء إلى التحلي بالفضائل، وإلى سياج رادع، يصد النفس ويزجرها عن تطورها في الرذائل، وما الحجاب إلا وسيلة فعالة لحفظ الحياء، وخلع الحجاب خلع للحياء.

سابعا: الحجاب يمنع نفوذ التبرج

والسفور والاختلاط إلى مجتمعات أهل الإسلام.

ثامنا: الحجاب حصانة

ضد الزنا والإباحية، فلا تكون المرأة إناءً لكل والخ.

واخيرا

الحفظ من السقعة في عز الشتاء والبرد اللي احنا فية دة

واعتقد انها اهم حاجة لحسن يجي لبنتنا الامورة لطشة برد تقلب لقدر الله بنزلة معوية ..

علامة استفهام ؟؟ !!

بسم الله الرحمن الرحيم

علامة استفهام
اضعها .. بكــل مكان
من وراء انتهاك العرض
واباحة حرمة الاســــــلام
وايــــن هـــــم الـــحكــــام ؟!!
ماذلوا يناقشوا اوضاع السلام ؟!!
مع من ؟

الذي انتهك الــــعرض
ودنس القدس الــهمام
مـــــع مــــن الســـلام
ايكون بيننا وبين الكيان
ولو مكانا للنقاش و السلام
----------------------------
و انا لله وانا الية راجعون ... في حاكمنا
----------------------------
اثناء مشاهدتي لقناة الجزيرة

وجدت في شريط الاخبار السفلي
مبارك

" يبحث في مفاوضات السلام "
تعجبــت !!!
أسنبدأ الان في بحث السلام !! و
مع من يبحث عن السلام ؟!!
مع الكيان الذي
بيدة قتل السلام !!
عجبا
سنبدأ المباحثات وتشكيل اللجان و النقاش وعرض الموضوع .....
اتعلمون
ان
ارض فلسطين أخذت بالقوة
فهل تعتقدون انها سترجع بالسلام
عجبا
مازلنا ندرس
وكل يوم شهيد بــــــــل كل لحظة
واين الحــل ؟؟
اسيظل السكوت صديق العرب !!
استظل المهانة حتـــــــي الان !!
حنقول اة لأولدنا
حنتبري من فلسطين
حنقولهم اية !! زي مابيقول حكمنا ؟
- ربنا يحلها من عندة
- احنا ملنا
- ان شاء الله حتتحل قريب

حنقول اة لربنا لما يسألنا عن فرض ضاع مننا
((* الجهاد*))
يا تري حنقولة احنا صلنا وصمنا وزكينا وبس
حنقولة اة لما يسألنا عملتم اة مع اللي انتهك عرض اه\'e4 معناها ضياع وطنك معناها ان بكرة حيجي في بلدك
علامة استفهام اضعها
لن اقول غير اتقوا الله في اربع :-
1 / بدعوة مســـتجابة
2 / بمقاطعة فـــعالــة
3 / بـــتبـــرع دائــــم
4 / بنشر قضية مغتصبة
%%%%%%%%%%%
ولا تكن كالخائنين !

استضافة ساركوزي وعشيقتة ع نفقة الدولة عماااااااار يا مصر

بسؤالٍ عاجلٍ إلى رئيس مجلس الوزراء

استقبال الرئيس الفرنسي ساركوزي وعشيقته على نفقة الدولة،

هل تمت استضافة ساركوزي وعشيقته على حساب الشعب؟

إن الرئيس الفرنسي السيد ساركوزي وعشيقته

جاءا لقضاء إجازة أعياد الميلاد ورأس السنة ببلادنا (في الأقصر وشرم الشيخ- لمدة اربعة أيام)

ثم يقوم بعدها وفي نهايتها بزيارةٍ رسميةٍ ولمدة يوم واحد،

وذكرت الأنباء أن

الفنان الوزير فاروق حسني هو من يقوم بواجب الاستقبال لساركوزي وعشيقته!!
أن الحكومة لا تحترم المال العام ولا أوجه إنفاقه

فأخشى أن تكون الزيارة الخاصة لساركوزي وعشيقته على حساب الحكومة المصرية

أي من المال العام، وهذا مرفوض منَّا وبشدة وحتى

في القوانين الأوربية التي تحترم المال العام بل وتقدسه
بأن ساركوزي اتهم سلفه الرئيس شيراك بنهب المال العام

والغريب ان ساركوزي

عجز عن شراء شقة بباريس بعد انتهاء مدة رئاسته، ومازالت سيارته من الموديلات القديمة
كما أن رئيس البنك الدولي السابق

(بول وولفويتز)

تم إعفاؤه من منصبه لمجاملته صديقته

برفع راتبها بطريقةٍ غير قانونية، مما اعتبر فضيحة عالمية خسر منصبه بعدها!!

إنهم يحترمون ويقدسون المال العام، بينما نحن نتمتع بعدم احترام المال العام

فهل هذا يصح ؟؟؟

والي متي سنقبل ان يمتص الغرب من حق شعبنا ؟؟!! ..... ولكني قد عرضضت القضية ولكم المسؤولية

!!!!!!
والي متي ستستمر الا مباله للنظام الحاكم بل الاسرة المالكة

انا لله وانا الية راجعون ... توفي ضمير أهل شبين الكوم

مصر أرض النفاق الحقيقي

توفى أحد اقاربى قريبا وهو يسكن في محافظة المنوفية (( شبين الكوم )) وفى طريقي إلية وجدت المئات من اليفط والدعاية التي بعضها يقول

يا مدلعنا يا ريسنا
بكل حب نؤيد مبارك
احنا معاك يا ريس
كلنا بنحبك يا شذلى
كلنا معاك يشذلى
احنا وراق ياريس

كما ذاد اعجابى ان اليفط عليها صورة للشذلى وابنة فأسئلكم جميعا
من هؤلاء ليحبهم الجمهور ؟؟؟
ماذا فعلــــــــــــــــــــــوا لهم ؟؟
هل قضوا مصالح للجمهور ؟؟

وان كانو قد سهلوا لهم أمرا ما (( مصلحة يعنى )) فهل هذا خارج واجبهم ؟؟؟
ولماذا يضعوا صــــــورة ابن الشذلى ؟؟؟ " معتز "
ما عــــــــــــــــــــــــــــــــلاقتة بالامر ؟؟؟
ايعتقدون انــــــــــــــــــــها بالتوريث ؟؟؟؟

حسبنا الله ونعم الوكيل فى كل من ساعد هؤلاء
وو ضع يفطة ليحل لة مصلة لأنة بذالك أكد لة آن هكذا يجاملة فيستمر فى تلك المهزلة .

وان كان ذالك حبا لة

فهل تصل الى درج الدعاية فى الشوارع ؟؟؟
اتحدى الجميع

لان هذا اكيد نفاق ولو لم يكن نفاق

فماذا يكوووووووووووووووووون
؟؟؟؟؟؟؟؟

لذالك أطالب نواب مجلس الشعب في بحث تلك الاسباب التي أدتهم لعمل تلك الدعاية وعمل لجنة لحساب الشذلي و التأكد من مصدر أمواله ... كما أود عمل لجنة رقابية لوضعة تحت المجهر بل وحسابة كأي مواطن أخر

المحظورة ... الي أين تأخذنا الحكومة أم الناس

جماعة الإخوان المسلمين.. اللي ماتتسماش
انا فعلا مش عارف ليه و انا باقرأ الجرائد المصرية مؤخرا

.. افتكرت هاري بوتر.. كان كل ماتيجي سيرة لورد فولدرمورت ..

يسكتوا بعض و يقولك ده "اللي مايتسماش"..

He Who Shall Not Be Named

دلوقت

أي خبر عن جماعة الإخوان المسمين

بيشيلوا "جماعة الإخوان المسلمين" و يحطوا مكانها

"المحظورة"

المحظورة سوت.. المحظورة عملت.. نائب المحظورة قال.. مرشد المحظورة سوى

هو اسم جماعة الإخوان المسلمين في مصر دلوقت بقى مرادف لـ المحظورة

يمكن كما اللي ينطق اسمها يبئى خاين للوطن او عميل
او عميل

ههههه هي حكومتنا كدة
طول ما الأخوان محظورة
بلدنا بالفساد معمورة

ولكن أطرح السؤال

ما الغرض من ذالك ؟؟
المقصود منه تخويف الناس

وبث الرعب فى قلوبهم بحيث ان الناس تجد فى كل عمل يفعله الاخوان مريب

حتى ولو كان خير فستسبقه

كلمة الجماعة المحظورة

وانا اعلم الكثير من الناس تؤثر بها تلك الايحاءات كثيراً

ولا اجد منهم محاولة فى التفكير

لمعرفة اجابة السؤال .
يعنى تصور حضرتك لما واحد جاهل

(ولا اقصد جاهل تعليمياً ولكن ثقافياً ايضاً)

يقعد امام التلفزيون ويقولك

الطالب الفلانى متهم بأنه من الجماعة المحظورة

لأنه عمل كذا هو طبعاً دماغه كلها فى الجملة

وكأنهم بيقولوا الشيطان الفلانى عمل كذا

ولن يفكر

ما هو الذى فعله وانه مدبر له التورط

فى ذلك ام غير ذلك هو لا يفكر

سوى فى غير انه من الجماعة المحظورة
حتى انها اصبحت تهمة توجه لشباب مصر وهي الانتماء لجماعة محظورة
حسبنا الله ونعم الوكيل.
تلاعب بعقول الشعوب يافندم.
اللى بيضحكنى اكتر

لما تلاقى بعض اصحاب القرار يقولون

نرفض كلمة المحظورة (زى مصطفى الفقى مثلا).
وازاى محظورة وليها تواجدها العلنى ؟

(دول هم اللى بيقولوا ).
بستغرب لانهم اصحاب قرار نافذ امال مين اللى بيسميها كده؟؟؟؟؟؟؟؟؟؟؟
ولا فيه حد بيحكم البلد غيرهم واحنا مش عارفينه؟؟؟؟؟؟؟؟؟؟؟؟؟؟
ويبدأوا بعض المقدمة دى تلاقى عريضة طويلة من المطالب علشان يرضوا عن المحظورين .
تحس ان المطالب بتقولهم لازم تبقوا الاخوان العلمانيين علشان نرفع الحظر عنكم ؟؟؟؟؟؟؟؟؟؟؟؟
بمعنى واضح الحزب الوطنى عايز 30 حزب وطنى كلهم نفس الفكر ؟؟؟؟؟؟؟؟؟
صحيح هو ايه فكر الحزن الوطنى؟؟؟؟؟؟؟؟؟

ورغم كل ذالك

أحب ان اقول
رغم انى مختلفة معاهم فى الفكر فى حاجات كتير

الا انى ارفض تماما كلمة" المحظورة " دى

على فكرة الكلمة دى فى حد ذاتها تفرقة عنصرية

ضد الاخوان المسلمين مابالكم باللى بيتعمل فيهم

فى السجون و علشان كدة جمعيات حقوق الانسان فى العالم واقفة بجانبهم
عمركم شوفتم فى بلد زى

امريكا او فرنسا او بلد ملكية زى بريطانيا بيطلقوا على حزب من احزابهم

"محظور"او حاجة مشابهة ,,ده فى منهم احزاب متطرفة جدا جدا جدا و ملحدين اصلا
كما اود ان أقول

الي متي ستظل مصر بها تفرق عنصري ؟؟

أعتقد ان

من يقرأ المقال يسأل نفسة سؤال

انا معاهم ولا عليهم

ارد علية و أقول

انا مبيعجبنيش الحال المايل

عليا أو علي غيري وخاصة التفرق العنصري الحكومي للجمعات أو الاحزاب

من يحمينى غير الله

قـــبل ان انـــــــام فكـــــــرت قلـــــــيلا

من يحمينى في بلدي

الحكومة

ولا ميين

؟؟

الحكومة هيا اللي بتدبحنى

؟؟

طيب مين

؟؟

حقوق الانسان

؟؟

قد تحمينى ولكن ماذا ستفعل مع حقوق الانسان

!!

وبعد ساعات من التفكير

لم أجد غير

الله

يحمينى

-------

لو كنت في سجن وانت مظلوم ؟؟

من يسمعك ؟

لو كنت في كرب

من تطلب منة الحل ؟؟

لو كنت فقير

من من تطلب الغنا ؟؟

اليس هو الله

--

نعم انة الله

القادر القاهر

---------------

اللهم بحق كونك القادر القاهر احفظ شعبنا من ظلم الظالم

اللهم أحمي مدونتى .. اللهم احفظنى .. اللهم اعني

----------------------------------

ان كان في بلدي ظالم من غيرك قادر علية

_____

؟؟؟؟؟؟؟؟

عمليه خطف الرئييس

واحد اتحشر في زحمة المرور

فلقى واحد بيخبطله على شباك السيارة

فتح الشباك

و سأله عايز ايه قاله :

الرئيس حسنى مبارك خطفوه و الفدية

5 مليون دولار و لو الفدية ماتدفعتش .. الخاطفين هددوا يدلقوا عليه بنزين

و يولعوا فيه و احنا بنجمع تبرعات .. تحب تشارك ؟

الرجل سأل: ' و في المتوسط الناس بتتبرع بكام'

الرجل الثاني : ' من 5 الى 10 لتر بنزين

وانا من هنا أدعوا كل المواطنيين بالتبرع ولو بـ نصف لتر لتحرير الرئييس

وللكل جزير الشكر

فاروق حسني... أشعل نار البركان

انا مش خايف مهما كان
وصوتى حيفضل عالي في كل مكان
أنا مدون علشان الاسلام

الرز من غير حله ميستوييش
والعيش من غير قمح ميلزمنيش
ومدرس من غير درس خصوصي مينجحنيش
وبلد من غير حاكم متجيش
وسلبيه شعب تهد متبنيش
وانتخاب من غير قاضي مينفعنيش
و أستاذ شقاوة من غير تدوين متمشيش
-----------------------------------
امريكا من غير سلاح .. متحربنيش
الحدود بين الدول تفرق متجمعنيش
فلسطين من غير صلاح الديين ديه متجييش
----------------------------------
ههههههههههههههههههههههههههه
----------------------------------
ديه نصيحة عمنا
حقيقة شرفنا حقيقة عرضنا
وسلام للمنفقيين ... لأ مليار سلام

دول هما اللي حكموا بلدنا
هما اللي هدوا الاسلام
فاروق حسني وزير الثقافة يستهال تعظيم سلام
قال في 90 دقيقة بالصوت العالي كل النساء تقلع الحجاب
قلها ومهمهووش اصل خلاص بقاش فية أسلام
عاوز يثقف شعبة كمان وكمان
ويقول كل النساء تقلع الحجاب
فرضها ع الناس
اعطي لنفسه مساحة يفرض بيها فكرة شخصية
أصله أنضم لحزب الشيطان
-------------
وخلاص خلاص خلص الكلام
النهردة الانسان بكام
الكل يغلي الا الانسان
وخصوصا
اللي قال انا حنصر الاسلام
يحكموه محكمه عسكريه
محكمة منغير محاماه
وديه حقيقة واقعية
مش كلام فارغ و الادله في المدونة دي ديا
----------------------------------------------------
// علشان كدة .. انا مدون علشان ارفع رايه الاسلام \\
----------------------------------------------------

فاروق حسني أشعل نار البركان

فاروق حسني غاب عن خطاب الرئيس ويطالب بتعزيز حمايته خوفًا من اغتياله
تخلف فاروق حسني وزير الثقافة عن حضور الاجتماع

المشترك لأعضاء مجلسي الشعب والشورى أمس

لأسباب عزتها مصادر بالحزب "الوطني" إلى الأزمة التي فجرتها

تصريحاته ضد الحجاب ووصفه إياه بأنه يمثل "عودة للوراء"

.وعلمت "المصريون" من مصادر بالوطني أن غياب الوزير عن حضور خطاب الرئيس مبارك بمناسبة بدء الدورة البرلمانية، في الوقت الذي حضر فيه كافة الوزراء الحاليين والسابقين،

جاء بناء على توصية بعدم حضوره خوفًا من

حدوث مواجهات مع النواب الثائرين على تصريحاته

والذين تقدموا بطلبات إحاطة واستجوابات طالبوا فيها بإقالته

وتقديمه اعتذارًا علنيًا عن إساءته إلى الحجاب وعلماء الذين سخر منهم

في كلامه.يأتي ذلك في الوقت الذي تقدم فيه 22 نائبًا عن الحزب "الوطني"

ببيان عاجل إلى الدكتور أحمد فتحي سرور رئيس مجلس الشعب حول

ما ورد من تصريحات منسوبة إلى وزير الثقافة بشأن الحجاب

أكد البيان المقدم من

النواب حسام شاهين ومحمد الصحفي وولاء الحسيني عبد الملك وإلهامي عجينة وأشرف البارودي وعلاء خواجة وهاني مبروك وعزت دراج وحمد أحمد حسين وكامل مكي وأحمد شحاتة وأحمد أبو عقرب أن

ما أقدم عليه الوزير يمثل إساءة لجموع الشعب المصري، وفي بلد الريادة بالعالم الإسلامي والعرب.فيما أعلن النائب رجب هلال حميدة أنه

سيتقدم اليوم في أول جلسة عمل للمجلس باقتراح تشريعي جديد ينص على ضرورة

أن يكون الوزير متزوجًا. وأشار إلى أن المادة 154 من الدستور التي تحدد الشروط

الواجب توافرها في الوزير تنص على: ألا يقل سنه 35 عامًا وأن يكون

متمتعًا بكامل حقوقه المدنية والسياسية، دون الإشارة إلى زواجه

.أكد حميدة أن التجربة العملية كشفت عن ضرورة أن يكون الوزير

متزوجًا خاصة وأن الزواج يحقق فائدة له ويعصمه من إطلاق تصريحات

تثير الرأي العام كما حدث مؤخرًا من جانب وزير الثقافة فاروق حسني

ومن المنتظر أن يتلقي الدكتور سرور رسالة من الوزير لتهدئة ثورة الغضب وينفي فيها الاتهامات الموجهة إليه.من جهة أخرى

علمنا أن وزير الثقافة طلب أمس في مذكرة

تقدم بها إلى وزارة الداخلية بتعزيز الإجراءات الأمنية

حوله سواء في منزله أو أثناء تنقلاته الداخلية والخارجية

بعد أن قال إنه أصبح الآن هدفًا محتملاً للاغتيال بسبب تصريحاته

التي انتقد فيها الحجاب.وقالت مصادر أمنية إن فاروق حسني

طلب من المسئولين الإعلاميين بالوزارة تسريب الخبر لوسائل الإعلام

في خطوة أثارت استياء الأجهزة الأمنية التي اعتبرت تسرب الخبر قد يأتي بنتائج عكسية غير التي يهدف إليها الوزير.وأوضحت المصادر أن مؤسسة الرئاسة وجهت انتقادات مباشرة لحسني وطلبت منه عدم التعرض لأي أمور تتعلق بالشأن الديني

نظرًا لحساسية وخطورة المس بها، فضلاً عن أنه غير مؤهل لمناقشة تلك الأمور

ولفتت إلى أن الوزير المثير للجدل كان يهدف من تسريب

خبر تشديد الإجراءات الأمنية حوله أن يلفت الأنظار

عما أثاره من انتقادات وجهت له عندما هاجم الحجاب

وربط بين ارتدائه وتخلف الأمة، كما أنه أراد أن يكسب تعاطف المثقفين العلمانيين

على أساس أنه أصبح هدفًا محتملاً للاغتيال من الإسلاميين

كما أن بعض مستشاري مؤسسة الرئاسة نصحوا فاروق حسني

بعدم الظهور في المناسبات العامة إلى جوار حرم رئيس الجمهورية

لأن ذلك يزيد من كراهية الشعب للسيدة سوزان مبارك.

يذكر أن فاروق حسني كان قدم استقالته في العام الماضي بعد حادث الحريق في أحد قصور الثقافة ببني سويف

الذي أسفر عن مصرع 46 شخصًا إلا أن الرئيس رفض قبولها. في سياق متصل،

وتحب ان تضيف المدونة

على أن المادتين 18 و 19 من العهد الدولي تنصان على أن لكل إنسان حقًا في حرية الفكر والوجدان والدين ما دام لا يتعارض مع النظام العام والآداب العامة وحقوق الإنسان والآخرين في حرياتهم الأساسية وسمعتهم.ورأي أن الدعاية ضد الحجاب بمثابة تقييد غير مشروع للحق في إظهار المعتقد الديني والذي تكفله المادة 18 الفقرة 3 من العهد الدولي للحقوق المدنية والسياسية وهو اتفاق ملزم قانونًا للحكومة المصرية، فضلاً عن أن منع الشخص من ارتداء الملابس الدينية في مكان خاص أو عام يشكل انتهاكًا للفقرة الثانية من المادة رقم 18 والتي تحرم أي أكراه من شأنه أن يخل بحق الفرد في أن يدين بدين ما أو أن يعتنق من المعتقدات ما يشاء

والاغرب

أن هذه التصريحات تتزامن مع تصريحات وزير التعليم العالي

الدكتور هاني هلال المؤيدة لحق رؤساء الجامعات في حظر دخول المنقبات إلى الجامعة

في الوقت الذي أصدرت فيه هيئة مفوضي الدولة تقريرًا

تسلمته المحكمة الإدارية العليا في 11 نوفمبر

اعتبر حظر ارتداء النقاب في الأماكن العامة انتهاكًا للحرية الشخصية وحرية العقيدة والحق في عدم التعرض للتميز وأوصى

بإلغاء حظر ارتداء النقاب استنادًا إلى

المادتين 40و41.وأكد أن مثل هذه التجاوزات

تمس الحرية الشخصية للمواطنات والتي يكفلها الدستور والمواثيق الدولية

مطالبًا الحكومة بضمان الحرية الشخصية لكل المواطنين دون تمييز

بسبب الخلاف في الرأي أو المعتقد

.كما طالب بإقالة وزير الثقافة الحالي على اعتبار أن وزارته يجب أن تفرق في صراعها غير المفهوم مع الإسلاميين بين ما هو سياسي وبين ما هو ديني وثقافي.

وفى النهايه

أحب ان اقول

(( عمااااار يا مصر ... ))

أنفراد .. أستاذ شقاوة يكشف القناع الاروبي

اليوم سقط القناع الاروبي
اليوم تبين لنا الحق
اليوجينا
وهي تعنى التميز العنصري بمنع تكاثر السود و ابناء العالم الثالث
ومنهم (( مصر / السودان / ليبيا / ...)) بل ومنعهم من التعليم و التكاثر
منغير كلاكيع ووجع قلب حبدأ الحكاية
بس يا سيدي
عام 1883 م
القرن العشريين
في
أوروبا و أمريكا
خرج / (( السير فرانسيس جالتون )) المهم
يا جماعة دة أسم واحد
المهم الراجل دة عمل اية
؟؟

قال للعالم كلة
قال للناس كلها
الجنس البشري انحرف بمعنى أصح باظ يا اخوانا
انضم ليه شويه ناس كتير منهم
كبار العلماء - السياسيين - رجال المال (( الاعمال )) - الفلاسفة
أهمهم (( اوديلف هتلر الذي وضع الألمان فوق رأسه
ووضع الفقير في فرن أندلعت فيه النار - برناردشو - روز فلت - تشرشل ))

سيبك من العك دة كله المهم دول عملوا اة ؟؟
وعلقتنا اة بيهم دلوقتى ؟؟
الناس دول قالوا حاجة بصوت علي جدااااا
احنا حنقي الناس الكويسة ونديهم
حق البقاء
حق التكاثر
يعني الاسود الفقير المعاق الغبي في ستيين دهية
يعنى من الاخر قالوا مش عوزيين غير ناس
قوية و ذكية والصحة بتاعتها مية مية
يعني حنعمل جيل جديد قوي وذكي نتحدي بيه العالم
والغريب انهم فعلا حققوا افكارهم
القرن 18
بعد سيطرة اوروبا ع افرقيا اعلنت انها سيدت العالم
وان العالم كلة عبد عندها
القرن 19
قال الجماعة بتوع الاجتماع
(( ان الفقراء لا يستحقون العفو . وان الواجب علينا الا نشجع بقاء نسلهم ))

1923
قال (( كارل بريجام )) المفكر الأروبي
البقاء للأصلح .. وهو
المتميز في الذكاء و الصحة و الاخلاق الحميدة
1923
قال (( الدوس هكسلي )) المفكر الغربي
ان معظم البشر لا يجب ان يتعلموا
القراءة و الكتابة
القرن 20
شجع رجال الاعمل .. استخدام قوة المال في دفع الدوله الفقيرة الى قتل جزء
من شعبها
مثل
السودان في دارفور

رجال اعمال قلولهم
انتم عندكم دهب وبترول وووووو
اللي عندكم ممكن يخليكم اغنى دوله في العالم
بس
لو عدد السكان شويه
مما اعموا حكومة الدوله الفقيرة و طمعها للمال
حيث انة
دفعوا القبال الى الخلاف مع بعضها
(( وقعوا بينهم ))
بل وترقوا الحياة تحاربهم طبقا ل مقوله
(( البقاء للأقوي ))
والغريب
انهم لا يهمهم غير الكسب المادي
الفلوس يعني
1888
قال (( جورج مور )) المفكر البريطانى
ان تعليم الجماهير ضرر على التقدم البريطانى
انا عارف انى حشيت دمغكم برغي كتير لكن
حتعرفوا كل حاجة في وقتها
الان
كلنا شاهدنا أخر عملية ارهابية في امريكا
(( البرجيين التجاريين العالميين ))
برج التجاره العالمية

/

/
قال بوش في لقاء جماهيري
(( الان .. بدأت حرب الصليب المقدسة لأبادة العالم الثالث ))

ومنهم مصر
كما ان بوش في الفترة الاخيرة أعلن تمجيد اليوجينا
الدليل ع صحة كلامي
انهم اعلنوا ان 5 % فقط
من المتعلميين واصحاء و اقوياء ..
ينتجون نسبة 85 %
معنى ذالك ان 95 %
من البشر يتوقفون عن التوظيف
!!!!
وأخيرا
الجزء المهم جدااااااااااااااااااااااااااااااااا
بعد كارثة البرجيين (( التجارة العالمي ))
تزايدت الابحاث الجينات الوراثية لزيادة نسبة الذكاء و تعديل السلوك و القوة
ركز جداااا
تقسيم الدخل الامريكي
50 % ابحاث علمية
2% منهم فقط بحوث أخري غير الجينات و الحوارات دية
يعنى
امريكا (( الاتحاد الاروبي ))
يصرف
48 % من الدخل القومي لتطوير الجينات الوراثية
التى تخص السلوك و الذكاء و القوة
تخيل
ملياراااااااااااااااااااااااااات لتطوير الجينات
كما اعلن
ريتشاردلين
(( اننا على ابواب عصر جديد من النوع البشري الصناعي وسندخل مع العرب في
حرب عرقي ( قويه ) لنحكم العالم كله ))
و اغرب تلك المقال
انه ارتفعت عدد الاصوات مؤخرا لتصل الى نسبه لا تقدر لتمجيد اليوجينا
ثم
جائت الان مصر ع قائمة الغذو الفكري

للأقامة برامج تنظيم الاسرة
التى اقاموها عندنا ولم يقيموها عندهم
أخي .. بالله عليك أضرب بكلامهم عرض الحائط واعلم ان رزقك بيد الله وان الرسول
صلى الله علية وسلم قال
(( تناسلوا وتناكحوا .. فأني اباهى بكم الامم ))
و أختلفت فية الرويات
فما تلك البرامج الى لهدم فكرنا بل وقتل اولادنا والله الرازق الوهاب
المقال ليس فبركة هزار
الموضوع يخصنا لاننا نقترب من النار
ومراجعي كتب ل

د / أحمد مستجير

وبعض المواقع العلمية
و كتاب اللغة العربيه للثانويه العامة
اما عن التواريخ و النسب
فهى حقيقية
100 % ان شاء الله
ومن مصادر مختلفة وقد أجتهدانا ولله الحمد في عمل تلك الثمرة

ههههه عمري محكون أخوان __ المقال لمدة 7 : 9 ساعات فقط

بسم الله الرحمن الرحيم

المقال لمدة 7 : 9 ساعات فقط لكن رغبة لكم وللكم الذى وجد من الزوار ... تم أستمرار المقال فى النشر . وشكرا ع كل من نشرة

أوجة تلك الرساله
الي كل الشعب المصري

الى مرشد الاخوان المسلميين

أ / مهدى عاكف
الى كل قياديات وبوادر الاخوان المسلميين
الى كل العالم .. الاسرة المصريه التي لا تعرف الاخوان
الى كل مدون أخوانى

الاخوان وطريقة الدعوة
اعتمد الاخوان فى طريقة الدعوة على عصر الصحابة
العصور السابقة
حيث يقوم الناس بأخراج كل ما لدية في سبيل الدعوة
يعنى

كان يعد ابنائه للدعوة
كل شئ للدعوة
شئ جميل جدا
لكن
هذا كان فى العصور السابقة
فلماذا يستخدم الان
حيث ان دعوى الاخوان
اهمل بيتة فى سبيل الدعوة الى الله
انة قد ذهب للدعوة
ليبنى مجتمع كبير اسلامي
ونسي
انة يهدم البيت الصغير الاسلامي
يعنى راح يصلح برة
وساب بيتوا بايظ
عامل زي الراجل اللي عربيتة باظت فى الطريق
فراح يصلح الاتوبيس علشان الناس
ولما جية الليل افتكر ان عربيتة هو بيظة
حيث أعتمدوا علي اية
بسم الله الرحمن الرحيم
(( ولتكن منكم امة يأمرون بالمعروف وينهون عن المنكر ... ))
صدق الله العظيم
ولكنهم أهملوا الايات التى وصتنا بالرعية
وحديث الرسول صلى الله علية وسلم
فيما معناة
(( كل مسؤول عن رعيتة .. ))
مش حاجة عجيبة شوية
طيب يا اخي
عاوز تصلح
حاجة جميلة جدااا
لكن اذاي تصلح
مش المفروض قبل متصلح برة تصلح بيتك الاول
ولا انا بيتهيألي
حاجة عجيبة جداااااااااااااا
يبقى ديت جماعة تستحق انها تحكم الناس
بص يا سيدي
الاخوان يقولون ان من ضمن اهدافهم
أستاذية العالم بالاسلام
طيب كويس
يا تري الاسلام السلفي يقدر يحكم العالم
يعنى الاسلام بتاع زمان
ينفع يتعامل مع الالفية الجديدة
يعنى مثلا
ازاي حنتعامل مع السارق
ذمان كانو يقطعوا ايدة
طيب دلوقتى
تفتكر ان لو واحد سرق ممكن حد يسمحلة انة يتقطع ايدة
يعنى
حقوق الانسان ووو
حيسبوة
عجيبة يا أخوان
لقد تعاملت الفترة السابقه مع شخص
قد يكون أخوان او لا يكون
لا يهمنى
المهم الهدف من انة يتعمال معى
يعنى من الاخر بيدعونى الى الله
والله حاجة حلوة جدا
لكن الطريقة فى التعامل معى طريقة
قديمة جداااااااا
يعنى حاجة قديمة جدااا
___
لية لا يمكن اكون أخوان
؟؟؟
من الاخر
رغم كل ما اعجبنى فى الجماعه
الا انى لا اريد ان اكون
دعوي اخونجى
يوما ما من الاخوان
بصراحة
مش عاوز اولادي أظلمهم
القرأن
السنة
الدين
شئ جميل جدا
لكن اة زنبي او زنب اولاي
انت بوجودك فى الاخوان
بتظلم نفسك
و بتظلم غيرك
لأ
وبتظلم اولادك فعلا
كل بيت
كل أسرة أخوان
فيها ولو واحد دعوى
بيحصل فيها خلل
ايوة
خلل لا يمكن اصلاحة
مثال
الانتخابات السابقة
عرفتنا ميين الاخوان المسلميين
يعنى
انا بصرحة كنت مع نائب دائرتى
كنت من الاخر
مع الاسلام هو الحل

اة اللي حصل بعد لما خلصت الانتخابات
انا خسرت
بقى محطوط عليا دائرة حمرة
أصحابي تجنبوني
سخروا منى أعدوا يقلولي
الواد دة أخونجي
يا اخونجي
الواد دة بتاع الاسلام هو الحل
الواد دة شيوعي
فاشل
حتى لو رددوا تلك الكلمات بدون أي وعى
لكن
هذا ما قالوة عنى
فلماذا أضع أولادي فى تلك الدائرة
؟؟؟
وهل ما فعلت كان صحيح ام خطأ
؟؟
ماذا فعلت لي الاخوان بعد ذالك
؟؟؟؟
ولا حاجة
أستفدت اة
؟؟؟
ولا حاجة
_______
رغم ما ذكرتة عن الاخوان الا و انى معهم
هههههههه
نعم
انا مع كل من يرفع القرأن
او يعلن الاسلام منهج وشريعة
لكن
انا مش معا الاخوان
انا بس
أحب اكون عقلية الاخوان
لكن عمري محكون
او
اكون دعوى من الاخوان
___
أعتزر لكم
فقد أكون مزجت بين التدويين وتجربه شخصيه
___
نظرا للوضع الامنى سيتم وضع ذالك المقال
لمدة 7 : 9 ساعات
ويتم اذالتة
___
واحب ان اقول لكم فى النهاية
فخور أنى عقلية الاخوان
__
كما أوجة خالص الشكر و العرفان للمساهم فى النشر :-
صاحب مدونة سيد بيه بتاع الخضار

http://myway.maktoobblog.com/