هههههه فكرنى حبيع القضية

فكرنى حسلم أو حبيع القضية

منذ ايام اتصل بي أحد الاشخاص على هاتفى الجوال
والذي حدث كالأتى :-

قلت / السلام عليكم مين معايا ؟؟
قال / مش مهم انا ميين انت اللى ميين ؟؟
قلت / حضرتك اللى متصل ؟؟؟ عاوز ميين ؟؟
قال / انا عرفك انت صاحب مدونة أستاذ شقاوة ؟؟ صح ؟؟
قلت / ميييييين بيكلم ؟؟
قال / بص انت و مجموعة المدونات اللى حوليك من الاخر يتبقى معانا .. يحنتعبك فاهم
قلت / انت ميين ؟؟
قال / لو مش حتبقى معانا حبهدلك انت واصحابك فاهم
ثم قفل الخط ولم استطع ان اكلمة مرة أخري

طبعا ممكن تخمنوا مين اللى كلمنى زيي بالظبت
لكن أحب أقول لكل واحد فى الدنيا
انا مش خايف
انا اتعلمت على الصراحة و الوضوح واللى يخاف المفروض مكنش انا اللى يخاف اللي كلمنى لأنى هو اللي ماشي غلط .. أهلي وقريبى عودونى على الصراحة
ولو حاجة حصلتلى ومات أستاذ شقاوة
في مليون لأ مليار أستاذ شقاوة حيطلع
لسة فيه ناس قلمها شريف
وناس مبتخفش وناس أحرار
لسة فيه خير فى شببنا
واحنا صحيين
لأ
وفيئيين وفهميين

وأحب اقول للبية اللى كلمنى
الله معي .. وأعمل ما بدالك .. وانا مدون ملك لنفسى مش ملك لبهيم
زيك ولو لسه فية شوية في دمك يريت تكون معايا مش عليا
لأ
تكون صح ولو مرة واحدة في حياتك
ومش مهم انت ميين !!
لكن المهم تعرف ميين اللى معاك ومين اللى عليك
!!!

------------

ملحوظة

-----------

لو لم يعلن صاحب الرقم عن هويتة و أغراضه سيتم نشر الرقم للجمهور